Miguel Piñeiro, do Progreso de Lugo, fíxome unha entrevista que foi publicada na sección Ribeira Sacra. Nela falamos das miñas obras (poesía e contos) e da experiencia de escribir e publicar. Grazas por esta fermosa reportaxe!
O Xornal de Lemos, no apartado de cultura, e En Común deixaron tamén constancia do acto de presentación polo que igualmente lles estou agradecida.
Un ano e medio despois dos dous primeiros libros, coa mesma ilusión sae a luz o terceiro “Seguimos de Conto” xunto cunha segunda edición de “Estamos de Conto” (do que grazas a todos e todas vós quedamos sen exemplares). Faremos unha pequena e informal xuntanza e presentación a que con moito cariño estades convidad@s.
O IES Daviña Rey mercou algúns exemplares dos meus libros. Foi todo un pracer que me convidaran e achegarme a compartir un momentiño informal esta semana para firmalos. Grazas especialmente a Anxo, Anabel e Toño, e moi agradecida en xeral ao instituto onde traballei uns aniños e sempre tan ben me trataron.
Hoxe toca agradecer o labor desenvolvido nestes días polos medios de comunicación que lle deron nas súas páxinas visibilidade a este proxecto: Xornal de Lemos, El Progreso, La Voz de Galicia. Tamén a todas as persoas que xa están lendo os libros e de xeito público ou privado me están facendo chegar fermosas palabras.
Foron moitas as persoas que se achegaron a libraría Pelayo (tamén a Agrasar, Fénix, Galicia e Papelotes) para mercar os libros. Tendo en conta que son os primeiros que publico, sei que o fixeron na maior parte dos casos, polo afecto que nos teñen a Rocío, Anabel, ou a min mesma. Con esta primeira edición dos libros recuperaremos os cartos investidos pero para nós esta confianza demostrada non ten prezo. Grazas!
Hoxe ás 5 da tarde tivo lugar a presentación dos libros na libraría Pelayo de Monforte. Toda unha experiencia! O mellor foi compartila con Rocío “Peruchela” (editora) e Anabel (ilustradora). Pola situación da pandemia o número de asistentes foi reducido. Estabamos as tres un pouco nerviosas, a ver como quedou a cousa… Velaquí e na páxina de inicio os vídeos.